സ്വന്തം വീട്ടിലുള്ള വോട്ട് വിവാഹശേഷം ഭർത്താവിൻറെ വീട്ടിലേക്ക് മാറ്റിയിട്ടില്ല. അങ്ങനെയുള്ളവർ എന്ത് ചെയ്യണം?

ഇപ്പോൾ താമസിക്കുന്ന സ്ഥലത്തേക്ക് വോട്ട് മാറ്റിയിട്ടില്ല എങ്കിൽ പഴയ സ്ഥലത്തായിരിക്കും താങ്കൾക്ക് എന്യൂമെറേഷൻ ഫോം ലഭിക്കുക. അവിടുത്തെ BLOയുമായി ബന്ധപ്പെടണം. താങ്കൾ എവിടെയാണ് താമസിക്കുന്നത് എന്ന വിവരം അവർക്ക് അറിയണമെന്നില്ലല്ലോ. കൂടാതെ, താങ്കളുടെ പേര് 2002 പട്ടികയിൽ ഇല്ല എങ്കിൽ താങ്കൾ ഫോറം പൂരിപ്പിക്കുമ്പോൾ താഴെ വലതുഭാഗത്തുള്ള കോളങ്ങളിൽ 2002 പട്ടികയിൽ ഉള്ള ബന്ധുവിന്റെ വിശദാംശങ്ങൾ നൽകേണ്ട സ്ഥലത്ത് താങ്കളുടെ പിതാവ്, മാതാവ്, മുത്തശ്ശൻ, മുത്തശ്ശി എന്നിവയിൽ ആരുടെയെങ്കിലും വിവരങ്ങളാണ് നൽകേണ്ടത്. അവരുടെ വിവരങ്ങൾ 2002ലെ വോട്ടർപട്ടികയിൽ ഉള്ളതുപോലെ നൽകണം. ഭർത്താവിൻറെ വീട്ടിലുള്ളവരുടെ വിവരങ്ങൾ അല്ല നൽകേണ്ടത്.