2025 ഒക്ടോബറിൽ നിലവിൽ ഉണ്ടായിരുന്ന കേന്ദ്ര ഇലക്ഷൻ കമ്മീഷന്റെ വോട്ടർ പട്ടികയിൽ പേരുള്ള എല്ലാവർക്കും എന്യൂമറേഷൻ ഫോറം ലഭിക്കും.

2002ലെ വോട്ടർ പട്ടികയിൽ പേരുണ്ടെങ്കിലും ഇല്ലെങ്കിലും 2025ലെ വോട്ടർ പട്ടികയിൽ പേരുണ്ടായാൽ മാത്രമാണ് എന്യൂമറേഷൻ ഫോറം ലഭിക്കുക. 2002 വോട്ടർപട്ടിക പേരുള്ള, എന്നാൽ 2025 വോട്ടർ പട്ടികയിൽ പേര് ഇല്ലാത്ത ആളുകൾക്ക് ഫോറം ലഭിക്കുകയില്ല

നിലവിലെ വോട്ടർ പട്ടികയിൽ പേരുണ്ടോ എന്നറിയുന്നതിന് https://electoralsearch.eci.gov.in/ എന്ന ലിങ്ക് വഴിലാണ് സേർച്ച് ചെയ്യേണ്ടത്. വോട്ടർ ഐ.ഡി കാർഡ് നമ്പർ ഉപയോഗിച്ചോ, വ്യക്തിഗത വിവരങ്ങൾ ഉപയോഗിച്ചോ, രജിസ്റ്റർ ചെയ്ത മൊബൈൽ നമ്പർ ഉപയോഗിച്ചോ വിവരങ്ങൾ പരിശോധിക്കാവുന്നതാണ്.

മുഖ്യ തെരഞ്ഞെടുപ്പ് ഓഫിസറുടെ ഔദ്യോഗിക വെബ്സൈറ്റിലെ ‘വോട്ടേഴ്സ് കോർണർ’ ബട്ടണിൽ ക്ലിക്ക് ചെയ്ത് എസ്.ഐ.ആർ 2002 തെരഞ്ഞെടുക്കണം. (https://www.ceo.kerala.gov.in/voter-search/) ഇവിടെ തെളിയുന്ന വിൻഡോയിൽ ജില്ല, നിയമസഭാ മണ്ഡലം എന്നിവ നൽകി 2002ലെ വോട്ടർപട്ടിക തിരയാം. ബൂത്തിന്‍റെ പേര്, വീട്ടുപേര് എന്നിവകൂടി നൽകിയാൽ വേഗത്തിൽ വിവരങ്ങൾ ലഭിക്കും

2025 വോട്ടർ പട്ടികയിൽ പേരില്ലാത്തവർക്ക് ഫോം ലഭിക്കില്ല. അവർ ഡിസംബർ 9ന് ശേഷം ഫോം6 വഴി പുതുതായി പേര് ചേർക്കാൻ അപേക്ഷിക്കുക.

"2025 ഒക്ടോബറിൽ നിലവിൽ ഉണ്ടായിരുന്ന കേന്ദ്ര ഇലക്ഷൻ കമ്മീഷന്റെ വോട്ടർ പട്ടികയിൽ പേരുള്ള എല്ലാവർക്കും എന്യൂമറേഷൻ ഫോറം ലഭിക്കും. താങ്കളുടെ പേര് ഉണ്ടോ എന്ന് പരിശോധിക്കുക. താങ്കൾ കഴിഞ്ഞ പാർലമെൻറ് തെരഞ്ഞെടുപ്പിൽ വോട്ട് ചെയ്തതാണെങ്കിൽ മിക്കവാറും പേര് ഉണ്ടാകും. അങ്ങനെയെങ്കിൽ താങ്കളുടെ BLO ആരാണെന്ന് കണ്ടെത്തി അദ്ദേഹത്തിൻറെ കൈയിൽനിന്ന് ഫോം വാങ്ങി പൂരിപ്പിച്ചു തിരിച്ചു നൽകുക. BLO ആരാണെന്ന് കണ്ടെത്താൻ ഈ ലിങ്ക് ഉപയോഗിക്കുക: https://www.ceo.kerala.gov.in/blo"

"2002, 2025 വോട്ടർ പട്ടികകളിൽ പേരുള്ളവരാണ് എങ്കിൽ നിങ്ങളുടെ പേരുള്ള 2002 വോട്ടർ പട്ടികയിലെ നിയമസഭാ മണ്ഡലത്തിന്റെ നമ്പർ, പേര്, ഭാഗം നമ്പർ അഥവാ ബൂത്ത് നമ്പർ, വോട്ടർ ലിസ്റ്റിലെ ക്രമനമ്പർ എന്നിവയാണ് പ്രധാനമായും ആവശ്യമുള്ളത്. കൂടെ രേഖകൾ ഒന്നും ഇപ്പോൾ നൽകേണ്ടതില്ല. സ്വന്തം പേര് 2002 പട്ടികയിൽ ഇല്ലെങ്കിൽ 2002 പട്ടികയിൽ പേരുള്ള അച്ഛൻ, അമ്മ, മുത്തച്ഛൻ, മുത്തശ്ശി എന്നീ ക്രമത്തിൽ ആരുടെയെങ്കിലും പ്രസ്തുത വിവരങ്ങൾ ശേഖരിച്ചു വെക്കണം."

"എന്യൂമറേഷൻ ഫോറത്തിൽ 3 കോളങ്ങൾ ആണുള്ളത്. മുകളിലുള്ള കോളത്തിൽ വോട്ടറുടെ സ്വന്തം വിവരങ്ങളാണ് നൽകേണ്ടത്. വോട്ടറുടെ ജനനത്തീയതി, ആധാർ നമ്പർ, മൊബൈൽ നമ്പർ, പിതാവ് മാതാവ് പങ്കാളി എന്നിവരുടെ പേര്, അവരുടെ EPIC നമ്പർ എന്നിവയാണ് നൽകേണ്ടത്. താഴെ ഇടതുഭാഗത്തുള്ള രണ്ടാമത്തെ കോളത്തിൽ ഈ വോട്ടർ 2002 വോട്ടർ പട്ടികയിൽ ഉണ്ടെങ്കിൽ അതിലെ വിവരങ്ങളാണ് നൽകേണ്ടത്. 2002 വോട്ടർ പട്ടികയിൽ ഉള്ള നിങ്ങളുടെ പേര്, EPIC നമ്പർ (ഉണ്ടെങ്കിൽ മാത്രം), ബന്ധുവിൻ്റെ പേര്, ബന്ധം, ജില്ല, സംസ്ഥാനത്തിൻ്റെ പേര്, നിയമസഭാ മണ്ഡലത്തിന്റെ നമ്പർ, പേര്, ഭാഗം നമ്പർ അഥവാ ബൂത്ത് നമ്പർ, വോട്ടർ ലിസ്റ്റിലെ ക്രമനമ്പർ എന്നിവയാണ് ഇവിടെ നൽകേണ്ടത്. ഇത് 2002 വോട്ടർ പട്ടികയിൽ ഉള്ളതുപോലെ തന്നെ ഇവിടെ പൂരിപ്പിക്കണം. അതിൽ പേര്, ബന്ധം എന്നിവയിൽ ചെറിയ തെറ്റുകൾ ഉണ്ടെങ്കിൽ പോലും അത് തിരുത്തേണ്ടതില്ല. ഇനി താങ്കളുടെ പേര് 2002 വോട്ടർ പട്ടികയിൽ ഇല്ലെങ്കിൽ താഴെ വലതുഭാഗത്തുള്ള മൂന്നാമത്തെ കോളമാണ് താങ്കൾ പൂരിപ്പിക്കേണ്ടത്. അവിടെ 2002 വോട്ടർ പട്ടികയിൽ ഉള്ള നിങ്ങളുടെ ബന്ധുവിൻ്റെ പേര്, പേര്, EPIC നമ്പർ (ഉണ്ടെങ്കിൽ മാത്രം), 2002 വോട്ടർ പട്ടികയിൽ ഉള്ള അവരുടെ ബന്ധുവിൻ്റെ പേര്, ബന്ധം, ജില്ല, സംസ്ഥാനത്തിൻ്റെ പേര്, നിയമസഭാ മണ്ഡലത്തിന്റെ നമ്പർ, പേര്, ഭാഗം നമ്പർ അഥവാ ബൂത്ത് നമ്പർ, വോട്ടർ ലിസ്റ്റിലെ ക്രമനമ്പർ എന്നിവയാണ് ഇവിടെ നൽകേണ്ടത്. ഇത് 2002 വോട്ടർ പട്ടികയിൽ ഉള്ളതുപോലെ തന്നെ ഇവിടെ പൂരിപ്പിക്കണം. അതിൽ പേര്, ബന്ധം എന്നിവയിൽ ചെറിയ തെറ്റുകൾ ഉണ്ടെങ്കിൽ പോലും അത് തിരുത്തേണ്ടതില്ല."

പൂരിപ്പിക്കൽ നിർബന്ധമില്ല. എന്നാൽ അവരുടെ EPIC നമ്പർ ലഭ്യമാണെങ്കിൽ പൂരിപ്പിക്കുന്നതാണ് നല്ലത്. അവരുടെ എന്യൂമെറേഷൻ ഫോമിൽ നിന്നും അവരുടെ EPIC നമ്പർ ലഭിക്കും. അത് തെറ്റാതെ നൽകിയാൽ മതി. നിങ്ങളുടെ വിവരങ്ങൾ നൽകുന്ന സ്ഥലത്ത് നിങ്ങളുടെ മാതാവ്, പിതാവ് എന്നിവരുടെ പേര് കൃത്യമായി നൽകാൻ ഇത് BLO മാർക്ക് സഹായകമാകും.

ഫോമിന്റെ മുകൾഭാഗത്ത് പുതിയ വോട്ടർ പട്ടികയിൽ വരേണ്ട വിവരങ്ങൾ ആണ് നൽകുന്നത്. അതുകൊണ്ട് ഈ ഭാഗം തെറ്റാതെ പൂരിപ്പിക്കണം. പിന്നീട് താഴെ ഇടതു ഭാഗത്ത് 2002 പട്ടികയിലെ സ്വന്തം വിവരങ്ങൾ അതേപോലെ പകർത്തി എഴുതുക. താഴെ ഇടത് ഭാഗത്ത് എഴുതുമ്പോൾ അസംബ്ലി മണ്ഡലം നമ്പർ ഭാഗം നമ്പർ സീരിയൽ നമ്പർ എന്നിവ വളരെ പ്രധാനമാണ്.

2025 പട്ടികയിൽ ഉൾപ്പെട്ട എല്ലാവർക്കും എന്യൂമെറേഷൻ ഫോം ലഭിക്കും. എന്നാൽ 2002 പട്ടികയിൽ സ്വന്തം പേര് ഇല്ലെങ്കിൽ എന്യൂമെറേഷൻ ഫോമിൽ താഴെ വലത് ഭാഗത്ത് 2002 വോട്ടർ പട്ടികയിൽ ഉള്ള വോട്ടറുടെ ബന്ധുവിന്റെ വിശദാംശങ്ങൾ എന്ന ഭാഗത്ത് അച്ഛൻ, അമ്മ, മുത്തശ്ശൻ, മുത്തശ്ശി ഇവയിൽ ഏതെങ്കിലും ഒരാളുടെ വിവരങ്ങൾ പൂരിപ്പിച്ചാൽ മതിയാകും. അത് 2002 വോട്ടർ പട്ടികയിൽ ഉള്ളതുപോലെ പൂരിപ്പിക്കാൻ ശ്രദ്ധിക്കണം.

2002ലെ വോട്ടർ പട്ടികയിൽ ബന്ധുവിന്റെ പേരില്ലാത്തവർ എങ്ങനെയാണ് ഫോം പൂരിപ്പിക്കേണ്ടത്? ഫോമിൽ താഴെ വലത് ഭാഗത്തായി 2002 പട്ടികയിലെ അച്ഛൻ അമ്മ മുത്തച്ഛൻ മുത്തശ്ശി എന്നിവയിൽ ആരുടെയെങ്കിലും വിവരങ്ങൾ ആണ് നൽകേണ്ടത്. ഇവരുടെ പേരുകൾ 2002 പട്ടികയിൽ ഇല്ലെങ്കിൽ പിന്നീട് അടുത്ത ബന്ധുക്കളുടെ വിവരങ്ങൾ നൽകുകയല്ലാതെ വേറെ നിവൃത്തിയില്ല. ബന്ധുവിന്റെ നൽകിയ വിവരങ്ങളിൽ പ്രശ്നമുണ്ടെങ്കിൽ നിങ്ങൾക്ക് തെളിവുകൾ ഹാജരാക്കാനുള്ള അവസരം ലഭിക്കും

2002ലെയും 2025ലെയും വോട്ടർ പട്ടികയിൽ പേരില്ലാത്തവർ ഫോറം 6 (വോട്ടർ പട്ടികയിൽ പേരു ചേർക്കാനുള്ള ഫോം) പൂരിപ്പിച്ച് നൽകണം. കരട് വോട്ടർ പട്ടിക പ്രസിദ്ധീകരിച്ച് ഡിസംബർ ഒൻപതിനു ശേഷമാണ് നൽകേണ്ടത്. സാധാരണ പുതിയൊരു വോട്ടറെ ചേർക്കാനുള്ള ഫോറം 6 നൽകുമ്പോളുള്ള നടപടിക്രമം തന്നെയാണ് ഇതിനും ഉള്ളത്.

ഫോം പൂരിപ്പിച്ച് നൽകുമ്പോൾ യാതൊരു രേഖകളും നൽകേണ്ടതില്ല. ഫോമിൽ ചോദിച്ച വിവരങ്ങൾ കൃത്യമായി പൂരിപ്പിച്ചാൽ മതിയാകും

നാട്ടിൽ ഇല്ലാത്തവരുടെ ഫോം പൂരിപ്പിക്കേണ്ടതും ഒപ്പു വയ്ക്കേണ്ടതും കുടുംബത്തിലെ മുതിർന്ന അംഗമാണ്.

വോട്ടർ തന്നെ ഒപ്പുവെക്കണമെന്നില്ല. കുടുംബത്തിലെ മുതിർന്ന അംഗം ഒപ്പു വെച്ചാൽ മതി

ബന്ധു എന്നതുകൊണ്ട് ഉദ്ദേശിക്കുന്നത് അച്ഛൻ, അമ്മ, മുത്തശ്ശൻ, മുത്തശ്ശി എന്നിവരാണ്. ഇവരിൽ ആരുടെയെങ്കിലും വിവരങ്ങളാണ് പൂരിപ്പിക്കേണ്ടത്. താഴെ വലത് ഭാഗത്താണ് ഇത് നൽകേണ്ടത്. ഇത് പൂരിപ്പിക്കുമ്പോൾ ഏറ്റവും താഴെയുള്ള 3 ബോക്സുകളിൽ ചോദിച്ച വിവരങ്ങൾ കൃത്യമായിരിക്കണം. അതായത് നിയമസഭാ മണ്ഡലത്തിന്റെ പേര്, നമ്പർ ,ഭാഗം നമ്പർ ക്രമ നമ്പർ എന്നിവ 2002 വോട്ടർ പട്ടികയിൽ ഉള്ളതുപോലെ നൽകണം.

വോട്ടർ പട്ടികയിലെ തെറ്റ് തിരുത്താനുള്ള സംവിധാനമല്ല എസ്ഐആർ. 2002 പട്ടികയിലെ വിവരങ്ങൾ എഴുതേണ്ട ഭാഗത്ത് 2002 പട്ടികയിലെ നിയമസഭാ മണ്ഡലത്തിന്റെ പേര്, നമ്പർ, ഭാഗം നമ്പർ, ക്രമ നമ്പർ എന്നിവ കൃത്യമായി എഴുതുക. 2002 പട്ടികയിലെ വിവരങ്ങൾ നൽകേണ്ട കോളങ്ങളിൽ 2002 പട്ടികയിലെ പേരും വിവരങ്ങളും തെറ്റാണ് എങ്കിലും അത് അതേപോലെ പകർത്തി എഴുതുകയാണ് വേണ്ടത്. പുതിയ പട്ടിക വന്നശേഷം തെറ്റുകൾ ഉണ്ടെങ്കിൽ തിരുത്താൻ വീണ്ടും അവസരം ഉണ്ടാകും. നിങ്ങൾ ഇപ്പോൾ നൽകുന്ന വിവരങ്ങൾ പട്ടികയിലേക്ക് വരികയില്ല.

2025ലെ പട്ടികയിൽ പേരുണ്ടെങ്കിലും 2002ൽ ഉൾപ്പെട്ടിട്ടില്ല എങ്കിൽ 2002 ലെ പട്ടികയിൽ ഉൾപ്പെട്ട ബന്ധുവിന്റെ (രക്ഷിതാവ്) വിവരങ്ങൾ എന്യൂമറേഷൻ ഫോമിലെ താഴെ വലതുഭാഗത്തുള്ള കോളത്തിൽ എഴുതേണ്ടിവരും. അവരുടെ 2002ലെ പട്ടികയിലുള്ള വിവരമാണ് ചേർക്കേണ്ടത്. പിതാവ്, മാതാവ്, മുത്തശ്ശൻ, മുത്തശ്ശി തുടങ്ങിയ ഏറ്റവും അടുത്ത ബന്ധുവിന്റെ പേരാണ് ചേർക്കേണ്ടത്. ഈ ബന്ധു (രക്ഷിതാവ്) ഇതിനിടയിൽ മരണപ്പെട്ടയാളാണെങ്കിലും കുഴപ്പമില്ല. അദ്ദേഹത്തിൻ്റെ പേര് വിവരങ്ങൾ 2002 പട്ടികയിൽ ഉണ്ടായിരുന്നാൽ മതി. ആ വിവരങ്ങൾ ഫോമിൽ പൂരിപ്പിച്ചാൽ നടപടി പൂർത്തിയാകും. മറ്റു രേഖകൾ സമർപ്പിക്കേണ്ട ആവശ്യമില്ല.

ജോലി, പഠനം എന്നീ കാരണങ്ങളാൽ നാട്ടിലില്ലാത്തവർക്കായി രണ്ട് വഴികളാണ് തെരഞ്ഞെടുപ്പ് കമീഷൻ മുന്നോട്ടുവെക്കുന്നത്. പ്രവാസികൾക്കായി ഇവരുടെ കുടുംബാംഗങ്ങൾക്ക് എന്യൂമറേഷൻ ഫോറം പൂരിപ്പിച്ച് ഒപ്പിട്ട് നൽകാം എന്നതാണ് ഇതിൽ ഒന്ന്. രണ്ടാമത്തേത് ഓൺലൈൻ വഴി ഫോറം ഡൗൺലോഡ് ചെയ്ത് പൂരിപ്പിച്ച് അപ്ലോഡ് ചെയ്യലും. ഓൺലൈൻ വഴിയുള്ള അപേക്ഷ സമർപ്പണത്തെ അപേക്ഷിച്ച് ഏറ്റവും പ്രായോഗികവും ലളിതവും സൗകര്യപ്രദവുമാണ് ആദ്യത്തെ രീതി. വിവരങ്ങൾ കൃത്യമായി നൽകിയാൽ മാത്രം മതിയാകും.

"2002, 2025 വോട്ടർ പട്ടികകളിൽ പേരുള്ള പ്രവാസികൾക്ക് കേരളത്തിലെ അവരുടെ വീട്ടിൽ എന്യൂമറേഷൻ ഫോം ലഭിക്കും. വീട്ടിലെ മറ്റു അംഗങ്ങളുടെ ഫോമുകൾ പൂരിപ്പിച്ച് നൽകുന്നത് പോലെ പ്രവാസികളുടെ ഫോമും പൂരിപ്പിച്ച് നൽകുക. നാട്ടിൽ ഉള്ളവരുടെ പോലെ തന്നെ ഫോമിന്റെ മുകൾ ഭാഗത്തുള്ള കോളവും താഴെ ഇടതുഭാഗത്തുള്ള കോളവുമാണ് അവരും പൂരിപ്പിക്കേണ്ടത്. വീട്ടിലെ മുതിർന്ന അംഗം ഒപ്പ് വച്ചാൽ മതിയാകും."

2002 വോട്ടർ പട്ടികയിൽ പേരില്ലാത്ത, എന്നാൽ 2025 വോട്ടർ പട്ടികയിൽ പേരുള്ള പ്രവാസികൾക്ക് കേരളത്തിലെ അവരുടെ വീട്ടിൽ എന്യൂമറേഷൻ ഫോം ലഭിക്കും. വീട്ടിലെ മറ്റു അംഗങ്ങളുടെ ഫോമുകൾ പൂരിപ്പിച്ച് നൽകുന്നത് പോലെ പ്രവാസികളുടെ ഫോമും പൂരിപ്പിച്ച് നൽകുക. അവരുടെ പേര് 2002 പട്ടികയിൽ ഇല്ലാത്തതുകൊണ്ട് തന്നെ ഫോമിന്റെ മുകൾ ഭാഗത്തുള്ള കോളങ്ങളിൽ ചോദിക്കുന്ന സ്വന്തം വിവരങ്ങൾക്ക് പുറമേ താഴെ ഭാഗത്തുള്ള കോളത്തിൽ ചോദിക്കുന്ന ബന്ധുവിന്റെ വിവരങ്ങളും അവർ പൂരിപ്പിക്കണം. വീട്ടിലെ മുതിർന്ന അംഗം ഒപ്പ് വച്ചാൽ മതിയാകും.

2002ലെയും 2025ലെയും വോട്ടർ പട്ടികയിൽ പേരില്ലാത്ത പ്രവാസികൾ ഫോറം 6/6A (പ്രവാസികൾക്ക് വോട്ടർ പട്ടികയിൽ പേരു ചേർക്കാനുള്ള ഫോം) പൂരിപ്പിച്ച് നൽകണം. അതു പക്ഷെ ഇപ്പോഴല്ല. കരട് വോട്ടർ പട്ടിക പ്രസിദ്ധീകരിച്ച് ഡിസംബർ ഒൻപതിനു ശേഷമാണ് നൽകേണ്ടത്.

2025 പട്ടികപ്രകാരം താങ്കൾ എവിടെയാണ് താമസിക്കുന്നത് പ്രസ്തുത പ്രദേശത്ത് ബി എൽ ഓ ആണ് താങ്കൾക്ക് ഫോം നൽകുക. 2002 പട്ടികയിലെ വിവരങ്ങൾ നൽകുമ്പോൾ അന്ന് താമസിച്ചിരുന്ന സ്ഥലത്തെ വിവരങ്ങൾ നൽകിയാൽ മതി.

ഇതുകൊണ്ട് ഒരു പ്രശ്നവുമില്ല. താങ്കളുടെ എന്യൂമറേഷൻ ഫോമിന്റെ മുകൾഭാഗത്ത് ഇപ്പോഴുള്ള വിവരങ്ങൾ നൽകുക. താങ്കളുടെ പേര് 2002 വോട്ടർ പട്ടികയിൽ ഉണ്ട് എന്നത് കൊണ്ടുതന്നെ താഴെ ഇടതുഭാഗത്തുള്ള കോളങ്ങളാണ് പൂരിപ്പിക്കേണ്ടത്. അവിടെ 2002 പട്ടിക പ്രകാരം താങ്കൾ താമസിച്ചിരുന്ന സ്ഥലത്തെ അന്നത്തെ വോട്ടർ പട്ടിക പ്രകാരമുള്ള വിവരങ്ങൾ നൽകുക.

"ഇപ്പോൾ താമസിക്കുന്ന സ്ഥലത്തേക്ക് വോട്ട് മാറ്റിയിട്ടില്ല എങ്കിൽ പഴയ സ്ഥലത്തായിരിക്കും താങ്കൾക്ക് എന്യൂമെറേഷൻ ഫോം ലഭിക്കുക. അവിടുത്തെ BLOയുമായി ബന്ധപ്പെടണം. താങ്കൾ എവിടെയാണ് താമസിക്കുന്ന വിവരം അവർക്ക് അറിയണമെന്നില്ലല്ലോ. കൂടാതെ, താങ്കളുടെ പേര് 2002 പട്ടികയിൽ ഇല്ല എങ്കിൽ താങ്കൾ ഫോറം പൂരിപ്പിക്കുമ്പോൾ താഴെ വലതുഭാഗത്തുള്ള കോളങ്ങളിൽ 2002 പട്ടികയിൽ ഉള്ള ബന്ധുവിന്റെ വിശദാംശങ്ങൾ നൽകേണ്ട സ്ഥലത്ത് താങ്കളുടെ പിതാവ്, മാതാവ്, മുത്തശ്ശൻ, മുത്തശ്ശി എന്നിവയിൽ ആരുടെയെങ്കിലും വിവരങ്ങളാണ് നൽകേണ്ടത്. അവരുടെ വിവരങ്ങൾ 2002ലെ വോട്ടർപട്ടികയിൽ ഉള്ളതുപോലെ നൽകണം. ഭർത്താവിൻറെ വീട്ടിലുള്ളവരുടെ വിവരങ്ങൾ അല്ല നൽകേണ്ടത്."

2025 പട്ടിക പ്രകാരമാണ് എന്യൂമറേഷൻ ഫോമുകൾ നൽകുന്നത്. അതുകൊണ്ട് താങ്കൾക്ക് ഫോം ലഭിക്കുകയില്ല. എന്നാൽ താങ്കൾക്ക് പുതിയ വോട്ടർ ആയി വോട്ടർ പട്ടികയിൽ പേര് ചേർക്കാവുന്നതാണ്. അതിനായി ഫോം 6 വഴി അപേക്ഷിക്കണം. ഓൺലൈനായി ചെയ്യാൻ സൗകര്യമുണ്ട്. അത് ഡിസംബർ 9ന് ശേഷം ചെയ്യുകയാണ് നല്ലത്. അങ്ങനെ പേര് ചേർത്തു കഴിഞ്ഞാൽ ഫെബ്രുവരിയിൽ ഇറങ്ങുന്ന ഫൈനൽ വോട്ടർ പട്ടികയിൽ താങ്കളുടെ പേരും ഉണ്ടാകും.

പഞ്ചായത്ത് തിരഞ്ഞെടുപ്പിലെ വോട്ടർ പട്ടികയും, എസ് ഐ ആർ നടക്കുന്ന നിയമസഭാ മണ്ഡലത്തിലെ വോട്ടർ പട്ടികയും തമ്മിൽ യാതൊരു ബന്ധവുമില്ല. പഞ്ചായത്ത് തിരഞ്ഞെടുപ്പിലെ വോട്ടർപട്ടികയിൽ പേരുള്ളതുകൊണ്ട് എസ് ഐ ആർ നടത്താൻ കഴിയില്ല.

ഒരിക്കലുമില്ല. പഞ്ചായത്ത് തിരഞ്ഞെടുപ്പിലെ വോട്ടർ പട്ടികയും നിയമസഭാ വോട്ടർപട്ടികയും തമ്മിൽ യാതൊരു ബന്ധവുമില്ല. പഞ്ചായത്ത് തെരഞ്ഞെടുപ്പിൽ ഉപയോഗിക്കുന്നത് സംസ്ഥാന ഇലക്ഷൻ കമ്മീഷന്റെ പട്ടികയാണ്. എന്നാൽ ഇപ്പോൾ SIR ന് വേണ്ടി അവലംബിക്കുന്നത് കേന്ദ്ര ഇലക്ഷൻ കമ്മീഷന്റെ പട്ടികയാണ്.

മലയാളത്തിലും ഇംഗ്ലീഷും താങ്കൾക്ക് പൂരിപ്പിക്കാം. വായിക്കുന്ന ആളുകൾക്ക് വ്യക്തമാവണം എന്ന് മാത്രം

അവർക്ക് ഡിസംബർ മാസത്തിൽ പുതിയ വോട്ടർ ആയി അപേക്ഷ നൽകി പേര് ചേർക്കാവുന്നതാണ്

2002 മറ്റ് സംസ്ഥാനത്ത് താമസിച്ചിരുന്ന, അവിടത്തെ വോട്ടർ പട്ടികയിൽ പേരുണ്ടായിരുന്നു ഒരു വ്യക്തിക്ക് നിലവിൽ കേരളത്തിലാണ് വോട്ട് ഉള്ളത് എങ്കിൽ അദ്ദേഹത്തിന് ഇവിടെ നിന്ന് എന്യൂമറേഷൻ ഫോറം ലഭിക്കും. അദ്ദേഹം അത് പൂരിപ്പിക്കുമ്പോൾ 2002ലെ വോട്ടർ പട്ടികയിൽ ഉള്ള വോട്ടറുടെ വിവരങ്ങൾ എന്ന കോളത്തിൽ അന്നത്തെ കേരളത്തിൻ്റെ പുറത്തുള്ള വോട്ടർ പട്ടികയിലെ വിവരങ്ങൾ നൽകിയാൽ മതി.

2025 ഒക്ടോബർ 27 ലെ വോട്ടർപട്ടികയിൽ 2.78 കോടി പേരാണുള്ളത്. ഇവർക്കെല്ലാം ഫോറം അച്ചടിച്ച് വിതരണം ചെയ്യും. എന്യൂമറേഷൻ ഫോറം പൂരിപ്പിച്ച് തിരികെ നൽകിയ എല്ലാവരും ഡിസംബർ ഒമ്പതിന് പുറത്തിറങ്ങുന്ന കരട് വോട്ടർ പട്ടികയിലുണ്ടാകും. പിന്നീടാണ് ആക്ഷേപങ്ങൾ സ്വീകരിക്കലും തുടർപരിശോധനയും. അന്നുമുതൽ ജനുവരി എട്ടു വരെ ആക്ഷേപങ്ങളും പരാതികളും സമർപ്പിക്കാം. രേഖകൾ സമർപ്പിക്കാൻ ഉള്ളവർ ജനുവരി 31ന് മുമ്പ് അത് ചെയ്യണം. ഡിസംബർ ഒമ്പത് മുതൽ ജനുവരി 31 വരെ ഹിയറിങ് രേഖകളുടെ പരിശോധന നടക്കും. കൃത്യമായ രേഖകൾ നൽകാൻ കഴിയാത്തവരെ ഒഴിവാക്കി ഫെബ്രുവരി ഏഴിന് അന്തിമ വോട്ടർ പട്ടിക പ്രസിദ്ധീകരിക്കും.

ഫോറം പൂരിപ്പിച്ച് നൽകിയവർ മാത്രമാണ് എസ്.ഐ.ആർ കരട് പട്ടികയിൽ ഉൾപ്പെടുക. ഏതെങ്കിലും കാരണത്താൽ ഫോറം പൂരിപ്പിച്ച് നൽകാനാകാത്തവർക്ക് ഡിസംബർ ഒമ്പതിന് ശേഷം അപേക്ഷ സമർപ്പിക്കാൻ അവസരമുണ്ടാകുമെന്നാണ് കമീഷന്‍റെ വിശദീകരണം. ഡിസംബർ 9ന് ശേഷം അവർ ഫോറം 6 നൽകി പട്ടികയിൽ ചേർക്കാനായി അപേക്ഷ സമർപ്പിക്കേണ്ടി വരും.

2002 വോട്ടർ പട്ടികയിൽ ഏത് രീതിയിലാണ് ബന്ധുവിൻ്റെ വിവരങ്ങൾ ഉള്ളത് അതേ രീതിയിൽ തന്നെ പകർത്തി എഴുതുക. ഒരു കാരണവശാലും മാറ്റങ്ങൾ വരുത്തരുത്. ബന്ധുവിന്റെ വിവരങ്ങൾ നൽകുമ്പോൾ 2002 വോട്ടർ പട്ടികയിലെ അവരുടെ നിയമസഭ മണ്ഡലം നമ്പർ, പാർട്ട് നമ്പർ, ക്രമ നമ്പർ എന്നിവയാണ് പ്രധാനം. അത് 2002 പട്ടികയിൽ ഉള്ളതുപോലെ എഴുതണം.